9 февральдә узачак чаңгы ярышына килергә онытмагыз

Бүген аеруча спорт модада дип авыз тутырып әйтә алабыз. Ә Яшел Үзән спорт шәһәре дә әле ул һәм бездә аның белән профессиональ дәрәҗәдә шөгыльләнүчеләр саны көннән-көн үсә.

Традиция буенча февральдә «Татарстан чаңгы юлы – 2019» спорт бәйрәме үткәрелә. Быел да искәрмә түгел, шимбә, 9 февральдә, «Маяк» спорт комплексы базасында ул 10 сәгать 45 минутта тантаналы төстә ачыла. Ярышта чаңгы шуарга яратучылар, тиешле физик әзерлеге булган һәм табиб рөхсәт биргән кешеләр катнаша ала. Эре предприя­тиеләрдән катнашучылар саны 50 кешедән дә ким булмаска тиеш. 
«Татарстан чаңгы юлы–2019»да катнашу өчен заявканы Ленин урамы 5нче йортта урнашкан Яшьләр эшләре һәм спорт идарәсенә килеп бирергә яисә zel_umst@mail.ru. Электрон адресына юлларга мөмкин. Шулай ук катнашуыңны ярыш башланырга бер сәгать кала «Маяк» спорт комплексында да расларга була. Барлык кызыксындырган сорауларны 8(84371) 4-67-93 телефоны аша белешә аласыз. 

Спорт чарасының программасы түбәндәгечә:

9 сәгать 30 минут – ярышта катнашучыларны теркәү;
11 сәгатьтә – 2019 метрга VIP старт (җитәкчеләр, мәртәбәле кунаклар);
11 сәгать 15 минут – 1 километрга старт (барлык теләүчеләр);
11 сәгать 35 минут – 1 километрга старт (I-IV сыйныф укучылары);
11 сәгать 50 минут – 2 километрга старт (V-VIII сыйныф укучылары);
12 сәгать 10 минут –A 2 километрга старт (IX-XI сыйныф укучылары ССУЗ һәм ВУЗ кызлары);
12 сәгать 25 минут – 3 километрга старт (ССУЗ һәм ВУЗ егетләре);
12 сәгать 35 минут – 2 километрга старт (барлык теләүчеләр);
12 сәгать 50 минут – 3 километрга (барлык теләүчеләр)

Спорт бәйрәменә рәхим итегез!