4 баласы, ире, абыйсы һәм әнисе янып үлгән Ильмира гаебен танымый. Эшне присяжныйлар белән караячаклар

Гаепләнүченең адвокаты Әнәс Мөхәммәтҗнов шулай дип белдерде. Бу турыда «Татар-информ» хәбәр итте.

Гарданова ут төртү юлы белән милекне аңлы рәвештә юк итүдә, шулай ук ук куркыныч алым кулланып һәм аеруча кансызлык белән җиде кешене, шул исәптән балигъ булмаган балаларны үтерүдә гаепләнә.

Искәртеп узабыз, 18 июньдә Тукай районының Сәет авылында шәхси йортта янгын чыккан, анда өч олы кеше һәм 4-10 яшьлек дүрт бала булган. Тикшерүчеләр йортка ут төрткәннәр дигән нәтиҗәгә килгән һәм монда Гарданова гаепле дип тапканнар. Аның балалары, ире, абыйсы һәм әнисе янып үлгән. Гарданова гаебен танымый, хәзерге вакытта аңа бер җиргә дә китмәү турында подписка бирелгән.