300 км/сәг тизлектә йөрүе белән мактанган эшмәкәр М-12 трассасында һәлак булган

Видеорегистраторга эләккән роликта аның, «Ауди» автомобилен куып узып китәр өчен, юл кагыйдәләрен бозып, тоташ сызык булган урында сул полосага чыкканы һәм йөк автомобиленең артына килеп бәрелгәне күренә. Ул тизлекне 2 тапкыр арттырган булган, дип фаразлана (200 км/сәг) тирәсе.

Моңа кадәр эшмәкәр егет социаль челтәрләрдә үзенең тиз йөргән видеоларын урнаштырып мактана торган булган. Шул роликларның берсендә аның сәгатенә 300 километр тизлектә йөрүе күренә. Ул 700ләп штраф җыйган булган.

Егет Станислав исемле. Аның хатыны Екатерина ире белән Мәскәүгә барырга тиеш булуын, әмма иң соңгы мизгелдә кире уйлавын әйткән. «Беркем дә фаҗига булыр дип уйламады, соңгы моментта гына барысы да үзгәрде», – дигән ул. Екатерина иренең күп штрафлары булуын кире каккан, йөк автомобиле йөртүчесе тоткарланган, дигән. Әмма RT каналы бу автомобиль йөртүчесенең 142 мең сумлык штрафлар җыйганын, шуларның 4,5 меңе түләнмәгәнен язган.

Интертат