2025 елда татарстанлылар җил чәчәге белән еш авырган

Марина ПатяшинаФото: © Роман Баданов / «Татар-информ»

2025 елда Татарстанда җил чәчәге (ветрянка) белән авыручылар саны арткан, ә кызамык (корь) очраклары кимегән. Бу хакта ТР буенча Роспотребнадзор идарәсенең йомгаклау коллегиясе алдыннан ведомство җитәкчесе Марина Патяшина сөйләде.

«Без кызылча белән авыруның — 4 тапкырга, ә бума ютәл (коклюш) 14 тапкырга кимүен күрәбез. Быел безгә энтеровирус инфекциясенә, этиологиясе ачыкланмаган кискен эчәк инфекциясенә, шулай ук җил чәчәгенә игътибар итәргә кирәк. Бу инфекцияләр буенча 2025 елда үсеш күзәтелә», – дип белдерде Патяшина.

Үткән елда республикада барлыгы 680 мең йогышлы чир очрагы теркәлгән.

Татар-информ