2015 елда 122 көн ял итәчәкбез

2015 елда татарстанлылар 122 көн ял итәчәк, бу якынча 4 ай дигән сүз. ТР Хезмәт министрлыгы киләсе елга эш календарен төзегән. Анда атнага 5 көн эшләүчеләр өчен эш һәм ял көннәре күрсәтелгән. Ведомствоның матбугат хезмәте хәбәр иткәнчә, эш көне барлыгы 243 көн тәшкил итә. Шулар арасында 8 1 сәгатькә кыскартылган эш көне ( 30 апрель, 8 май, 11 июнь, 16 июль, 23 сентябрь, 3 ноябрь, 5 ноябрь һәм 31 декабрь). Ял көне 122 көн тәшкил итә, шулар арасында 18 бәйрәм көне һәм 5 өстәмә ял көннәре ( 3 һәм 4 гыйнвар, 8 март, 9 май, һәм 31 август бәйрәм көннәре ял көненә туры килгәнгә 9 гыйнвар, 9 март, 4 май, 11 май, 31 август көннәре ял көне булып тора).