17 августка һава торышы
Бүген, 17 август көнне Татарстан Республикасында алмашынучан болытлы һава торышы көтелә.
Фото: Чулпан Гыйсмәтуллина, "ЯҮ"
Күпчелек районнарда яңгырлар явачак: төнлә һәм иртән уртача тизлектә, ә көндез кайбер җирләрдә хәтта көчле явым-төшемнәр булуы ихтимал. Көндезге сәгатьләрдә урыны белән яшенле яңгырлар үтепүтәргә мөмкин. Җил исә көнбатыштан һәм көньяк-көнбатыштан төньякка таба юнәлеш алачак. Аның тизлеге секундына 5-10 метр тәшкил итәчәк, ә көндез кайбер төбәкләрдә җилнең көчәюе 14 метрга кадәр җитәргә мөмкин. Һава температурасына килгәндә, төнлә җылылык +6..+11˚ градуска кадәр түбәнәячәк. Көндез исә кояш нурлары һаваны +15..+20˚ градуска кадәр җылытачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев