15-21 август көннәрендә Яшел Үзән район үзәк хастаханәсенең ашыгыч медицина ярдәме бригадасы 1141 тапкыр халыкка, шул исәптән 166 балага беренче ярдәм күрсәткән

Кабул итү бүлекчәләренә инфаркт белән 8 кеше килгән.

Инсульт белән 26 Яшел Үзән кешесе хастаханәгә урнаштырылган. 3 пациент көнкүрештә һәм урамда төрле җәрәхәтләр алган.

Респиратор авырулар симптомнарына 161 кеше зарланган.

Ашыгыч медицина ярдәме бригадалары тарафыннан Яшел Үзән район үзәк хастаханәләренә 383 пациент китерелгән, шуларның 149ы госпитализацияләнгән, калганнарына кабул итү бүлекләрендә ярдәм күрсәтелгән.