03 Ашыгыч медицина ярдәме күрсәтү станциясе хезмәткәрләре 919 чакыру кабул итеп алган

356 кешене госпитализацияләгәннәр: 251е – шәһәрдән, 105е – районнан.

Медикларны бу атна эчендә эт тешләп яралаган кешеләр янына чакырулар күп булган. Шул сәбәпле Октябрьскидагы ял базасында 38 яшьлек ир-атка, Карамалы Тауда 8 яшьлек балага, «Авангард» стадионы янында 12 яшьлек малайга, Октябрьскида 41 яшьлек иргә,

Комаров урамында 24 яшьлек хатын-кызга ашыгыч медицина ярдәме күрсәтелгән.

Тиховнин урамындагы урман посадкасында билгесез затлар корсагына пычак кадаган 42 яшьлек исерек ир-атка ашыгыч ярдәм күрсәтелгән. Аны хирургия бүлегенә китергәннәр.

Комсомольская урамындагы йортның беренче каты тәрәзәсеннән егылып төшеп кулларын сындырган 12 яшьлек яшүсмер янына чакыру алынган. Зыян күрүче травматология бүлегенә китерелгән.