Яшел үзәнле Анастасия Доценко Дөнья кубогында дүртенче

Анда Яшел Үзән чаңгычысы Анастасия Доценко яхшы гына чыгыш ясады. Узышларның спринт төрендә (ирекле стиль) Йенни Эберг җиңде. Икенче урын өчен көрәштә россияле Наталья Матвеева финиш сызыгында Лориен Ван дер Граафны узды. Ә Доценко дүртенче урынны алды. Шунысы да игътибарга лаек: өченче урынны фотофиниш ярдәмендә генә билгеләделәр. Димәк, Татарстан чаңгычысын медальдән миллиметрлар гына аерып тора. Россиядән бары тик Матвеева белән Доценко гына бу этапта 1/4 финалына үттеләр.