Яшел Үзән предприятиеләре арасында хоккей буенча ярышлар узды

Яшел Үзән предприятиеләре арасында хоккей буенча ярышлар узды һәм анда эчке эшләр бүлеге командасы җиңеп чыкты.

Предприятие командалары арасында моңа кадәр футбол ярышлары гына була торган иде. Хоккей ярышында хакимият командасы, Яшел үзән суднолар төзү заводы, ЗМЗ, Норлат авыл җирлеге һәм эчке эшләр бүлеге командалары көч сынашты. Яшел Үзән районы хакимияте Александр Тыгин белдерүенчә, хоккей, футбол буенча ярышлар ел саен уздырылачак һәм предприятие командасы өчен кемдер читтән килүче түгел, нәкъ менә шушы предприятиедә эшләүче уйнарга тиеш. Бу предприятиенең абруен күтәрүдә, хезмәттәшләр арасында сәламәт яшәү образын пропагандалауда зур роль уйнаячак.