Яшел Үзән бала тудыру йортында ремонт эшләре төгәлләнергә тора

Бу объект ТР Президенты Рөстәм Миңнеханов контролендә тора. Ул ремонт эшләрен төгәлләү өчен 48 млн сум акча бүлеп биргән иде. Инде менә янә килеп, ремонт эшләрененең икенче этабын төгәлләү өчен 85 млн сум акча бүлеп бирү турында карар кабул итте.

Моннан кала Васильеводагы музыка мәктәбендә ремонт өчен - 47 млн, "Метеор" бассейнына спорт корылмалары сатып алу өчен тагын 31 млн сум бүлеп бирү турында карар чыгарылды. Шулай ук Ореховка авылында футбол кыры ачу өчен дә акча каралган. Бу авылдагы стадионда тирә-күрше авыллардан да футбол уйнарга йөриячәкләр, дип белдерде район башлыгы Александр Тыгин дүшәмбе киңәшмәсендә.

Яшел Үзәннең социаль объектларына барлыгы 180млн сум акча бүлеп бирелгән.

Гүзәл Минһаҗева.