Ут кайтаргыч элемент булмаса – штраф

- Киемгә ут кайтаргыч элемент ни өчен кирәк?

- 2015 елда караңгы вакытта җәяүлеләр катнашында юл фаҗигаләре артты. Барлыгы 62 җәяүле зыян күреп, шуларның 8е һәлак булса, 59ы җәрәхәтләнде. 31 ДТП җәяүлеләр гаебе белән чыгып , аларда 25 кеше җәрәхәтләнде.

Тәүлекнең караңгы вакытында җәяүлеләр киемнәренә ут кайтаргыч элементлар куеп йөрсә, травматизм очраклары да кимер иде. Тикшерүләр күрсәтүенчә, якын утлы фарасын яндырып барган автомобиль йөртүче җәяүлене 25-50 метр арадан күрә. Әгәр дә җәяүленең киемендә ут кайтаргыч элемент булса, бу ара 150-200 метрга арта. Ерак утлы фара белән барган автомобиль йөртүчегә ут кайтаргыч элемент 100-350 метр арадан да күренә.

- 2015 елның 1 июленнән гамәлгә кертелгән РФ Хөкүмәте карары нигезендә җәяүлеләр алдына куелган бурычлар нинди?

- Караңгы ва­кытта юлны аркылы чыкканда яисә юл кырыеннан барганда җәяүлеләрнең киемендә ут кайтаргыч элементлар булыр­га һәм алар машина йөртүчеләргә күренеп торыр­га тиеш, - дип сүзен дәвам итә Юлия Леонтьева. - Кагый­дә бозылган очракта җәяүлегә кисәтү ясала яисә 500 сум штраф салына.

- Ут кайтаргыч элементларны кайдан алырга була?

- Аларны почта бүлек­ләрендә саталар. Әйтик, алар шәһәрнең 1,10,11,4,5,6,9нчы почта бүлекләрендә, авыл почта бүлекләрендә, шулай ук К.Маркс урамының 53а йортында урнашкан «Мир открыток», «Васильево», «Васильево 2» кибетләрендә бар.