Татарстанда яшәүче авылдашы белән шашлык кыздырганда бәхәскә кереп, бөерләреннән «колак каккан»

 Бу хакта Тикшерү комитетының Татарстан идарәсе матбугат хезмәте хәбәр итә.

Тикшерү мәгълүматларына караганда, 8 апрельдә спиртлы эчемлекләр эчү һәм шашлык әзерләү барышында, дуслар арасында конфликт килеп чыккан. 32 яшьлек кунак китәргә китәргә җыенганда, 51 яшьлек йорт хуҗасы кунакның корсагына пычак белән кадый.

Ир-атлар кычкырган тавышка, гаепләнүченең хатыны уянып, ашыгыч ярдәм хезмәткәрләрен чакырта. Зыян күрүчене хастаханәгә алып киләләр һәм биредә ул бөереннән "колак кага" да инде.

Бу вакыйга факты буенча «үтерүгә омтылу» маддәсе буенча җинаять эше кузгатылган. Хәзерге вакытта вакыйганың шартлары ачыклана. Гаепләнүче сак астына алынган.