️Татарстанда атна салкын һәм юеш кар белән тәмамланачак
Татарстанда бу атна ахырына һава торышының начарлануы көтелә – төнлә һава температурасы +1 градуска кадәр төшәчәк, урыны белән юеш кар явачак, дип хәбәр итә ТР Гидрометүзәге.
Шимбә көнне, 6 майда, яңгыр көтелә, көндез 8-10 градуска кадәр җылыначак.
Ә менә якшәмбе, 7 майда, һава агымнары төньяк-көнбатышка үзгәрү белән республикага Төньяк киңлекләрнең салкын һавасы килә башлый, температура фоны шактый түбәнәя.
Мәсәлән, төнге сәгатьләрдә һава температурасы +1дән +6 градуска кадәр, көнчыгышта +10 градуска кадәр, ә көндез +8дән +13 градуска кадәр җылы булачак. Бу көнне аязучан болытлы һава көтелә, көчле җил 15 м/секундка кадәр, вакыт-вакыт яңгыр ява, аерым районнарда дымлы кар булырга мөмкин.
Следите за самым важным и интересным в Telegram-каналеТатмедиа
Нет комментариев