Татарстан Республикасы Президенты Казанда Россия Федерациясе Оборона министрлыгының хәрби госпиталендә дәваланучы хәрби хезмәткәрләр янында булып кайтты

Биредә махсус хәрби операция уздыру зонасыннан килгән 85 хәрби хезмәткәр бар. Алар арасында татарстанлылар да, Россия Федерациясенең башка регионнарыннан да дәваланучылар бар. 

Казанда 2022 елда ачылган хәрби госпиталь - иң заманча дәвалау учреждениеләренең берсе.  Объект алдынгы медицина җиһазлары белән җиһазландырылган, ул барлык юнәлешләр буенча да ярдәм күрсәтергә мөмкинлек бирә. Рөстәм Миңнеханов сугышчыларны дәвалау өчен тудырылган шартларны бәяләде. Президентка барлык медикаментлар, көнкүреш кирәк-яраклары барлыгы турында хәбәр иттеләр.

Рөстәм Миңнеханов берничә палатаны карады. Сөйләшүләрдән күренгәнчә хәрби хезмәткәрләр, медицина хезмәткәрләренә кайгыртулары һәм күрсәткән эшләре өчен рәхмәт белдерделәр.