Казан һәм Яшел Үзән спорт мәктәпләреннән 90нан артык кыз һәм малай «Ледокол»да «Кышкы бизәкләр» беренчелегендә чыгыш ясады

Биредә «Кышкы бизәкләр» фигуралы шуу буенча беренчелек узды. Казан һәм Яшел Үзәннең дүрт спорт мәктәбеннән 90нан артык кыз һәм малай «Һәвәскәрләр», «Беренче адымнар», «Яшь фигурист» разрядлары буенча чыгыш ясады. Иң яшь катнашучыга 4 яшь иде.

Безнең спортчы кызларыбыз тренер Дарья Фалина җитәкчелегендә барлык категорияләрдә дә призлы урыннар яулап, шәһәрне лаеклы күрсәттеләр.