“Йөрәкләрдә - Тукай сүзләре” исемле шигърият бәйрәме

-27 нче апрельдә,  4 нче мәктәптә, бөек татар шагыйре Габдулла Тукайга багышлап, “Йөрәкләрдә  - Тукай сүзләре”  исемле шигърият бәйрәме уздырылды. Укучылар матур итеп Тукай шигырьләрен сөйләделәр, сәхнәләштерделәр.  Су анасы, Шүрәле, Күбәләк, Акбай, Сандугач белән бергә Тукайның шигърият дөньясында сәяхәттә йөрдек. Гаиләдә дуслык, уку һәм  хезмәтнең  мөһимлеге, ә тәкәбберлек, ялкаулык, ялган сүзнең оятка калдыруы турында уйландык. Шүрәле балаларны уйнатты, узыштырды, Г. Тукай иҗатын белүләрен  тикшереп алды.
Шигърият бәйрәме һәр балага бик ошады, - дип сөйли 4нче мәктәпнең туган (татар) тел укытучысы Әлфия Мөхәммәтшина.