Игътибар – яңа бәйге!

Уйлаштык-уйлаштык та яңа бәйге игълан итәргә булдык. Тапталган, газетабызда берничә тапкыр үткәрелгән булса да, иң зур уңыш алучыларны тагын күрсәтергә мөмкинлек бирик дидек. Чөнки һәр ел алар үзгәреп тора бит. Бер елны Флера апа Галиеваның помидоры уңса, узган ел Рәхим абыйның бакчасы гөлләргә күмелгән иде. Быел да җәе буе яңгырлар бик матур яуды, уңыш та шәп. Бәрәңгене күбебез алып карады инде - чиләк-чиләк бит! Ә ташкабак, кыяр?!

Йә, кайсыгызның уңышы шаккатарлык?! Сездән фоторәсемнәр көтәбез. Иң кызыклы фоторәсемнәрне газета сайтына урнаштырачакбыз.