Яшел Үзәндә район башлыгы Михаил Афанасьев белән яшь журналистларның матбугат конференциясе узды

«Mediana» журналистика мәктәбе укучылары үзләрен кызыксындырган сорауларны муниципалитет башлыгына бирә алды, истәлеккә фотога төште.

- Михаил Павлович белән матбугат конференциясе миңа бик ошады. Мондый очрашуда икенче тапкыр катнашуыма шатмын. Журналистика мәктәбе җитәкчесе Денис Сергеевич Анисимовка һәм безнең өчен вакыт тапкан Михаил Павловичка рәхмәт әйтәсем килә! Мин бик күп төрле сорауларга җавап ишеттем. Михаил Павлович безнең белән өлкәннәр кебек сөйләште. Матбугат конференциясендә икенче тапкыр булуым сәбәпле, аерманы билгеләп үтәсем килә. Узган очрашуда без бар нәрсәнең ничек узачагын, үзебезне ничек тотарга икәнен белми идек. Быел без чараның форматын аңладык, шуңа күрә барысы да тиз һәм оешкан төстә үтте, кыенсыну тоймадык, - дип хис-кичерешләре белән уртаклаша Сәгыйдә Гыймадиева.