Чучка сыман, тирә-юнебезне үзебез үк ямьсезләмик

Ни өченме?
Чөнки биредә бер тәүлек эчендә генә дә ике янгын очрагы булды.

Чүп өеменә игътибар итегез әле, ярар әле контейнерлардагысын көн саен түгеп торалар, ә менә көнкүреш җиһазларын чыгарып атучыларга ни диясе? Биредә чүп түгү хезмәтен генә яманлап булмый. Өеңә ремонт ясап, кирәксез җиһазларны подъезд төбенә чыгарып кую, дөрес түгелдер мөгаен. Бу хәл инде ике атна чамасы күзәтелә һәм менә аннан котылу чарасын да тапканнар. Яндырасың да, эше бетте. Ә куркынычсызлык кагыйдәләрен, биредә яшәүчеләрне уйлап тору юк. Әле ярый янгын сүндерүчеләр вакытында килеп җитә.

Шулай булмый бит инде, җәмәгать!