Чабышкы атыдай 2014 ел да узып китте

Декабрь

• ТР Президенты Рөстәм Миңнеханов Зөя кала-утравында булып китте.
• Икмәккә, гомумән бөтен нәрсәгә - азык-төлеккә, көнкүреш техникага бәяләр арта башлады.
• Серго исемендәге завод ике зур датаны - заводка нигез салынуның 116 һәм беренче суыткыч эшләп чыгаруның 55 еллыгын бәйрәм итте.
• А.М.Горький исемендәге Яшел Үзән заводының кою цехында ике тигельле яңа индукция миче эшли башлады.

Гыйнвар

• 1 гыйнвардан хезмәт хакының минималь күләме 5 554 сумга күтәрелде. Ана капиталы 429 408 мең сумны тәшкил итте. Бензин, тәмәке, спиртлы продукция акцизларының хаклары артты. Аңа карап кына машинада йөрүчеләр, тәмәке тартучылар һәм спиртлы эчемлекләр эчүчеләр кимемәде.
• «Родина» мәдәният сараенда ремонттан соң китапханә ачылды.
• Көннәр шактый ук суык, утыздан төшкән урыннар да булган.

Февраль

• 1 февральдән пенсия 6,5 процентка артты.
• Совет гаскәрләренең Әфганстаннан чыгарылуына 25 ел тулды. Шушы истәлек­ле датага багышлап, «Хәтер маршы»узды.
• Сочида кышкы олимпиада башланды.
• Мирныйда Боз сарае янәшәсендә төзелгән «Метеор» бассейны ачылды.
• Сочида узган кышкы олимпия уеннарында якташыбыз чаңгычы Анастасия Доценко бишенче килеп, ярымфиналдан төшеп калды.
• Мирный бистәсендә социаль ипотека программасы буенча төзелгән 9 катлы йорт сафка басты.