Атнаның икенче яртысында Татарстанда +8 градуска кадәр җылытачак
Чәршәмбе һәм пәнҗешәмбе, 15 һәм 16 мартта, республика антициклон йогынтысында булачак.
Якын атмосфера фронты аркасында 15е урыны белән аз гына явым-төшемнәр узачак, көньяк-көнбатыштан 15-18 м/с тизлектә җил көтелә. Икенче көнне явым-төшемнәр булу ихтималы аз. Һава температурасы төнлә 0-5 градус һәм көндез 2-8 градус җылылык тәшкил итәчәк, дип билгеләп үтә синоптиклар.
Җомга һәм шимбә көннәрендә, 17 һәм 18 мартта, кайбер урыннарда карлы яңгыр булырга мөмкин. 17се һава температурасы төнге сәгатьләрдә -1дән +3 градуска кадәр һәм көндез +3тән +8 градуска кадәр тәшкил итәчәк.
18 мартта температура фоны тагын түбәнәячәк: төнлә -2дән -7 градуска кадәр һәм көндез +1дән +5кә кадәр төшәр дип көтелә.
Следите за самым важным и интересным в Telegram-каналеТатмедиа
Нет комментариев