Җәй көне татарстанлыларны өч кыска эш атнасы көтә

Татарстан Хезмәт, халыкны эш белән тәэмин итү һәм социаль яклау министрлыгында расланган 2023 елга җитештерү календаре буенча бу җәйдә республика халкын өч кыска эш атнасы көтә.

• Аларның икесе июнь аенда ук булачак. Беренче озын ял көннәре 10-12 июньгә туры килә, чөнки дүшәмбе, 12 июньдә, бөтен ил Россия көнен бәйрәм итәчәк.
• 28 июньдә, чәршәмбе көнне, татарстанлылар Корбан бәйрәмен билгеләп үтәчәк.
• Өченче кыска эш августның соңгы атнасы булачак. 30 августта Татарстан Республикасы көне билгеләп үтеләчәк.