Россия Хөкүмәте Татарстанга 57 мәктәп автобусы бүлеп бирәчәк

Россия Хөкүмәте Татарстанга 57 мәктәп автобусы бүлеп бирәчәк. Алар Татарстан Мәгариф һәм фән министрлыгы районнарның мәктәп укучылары өчен транспортка булган ихтыяҗын анализлаганнан соң бүленәчәк. Бу хакта «Татар-информ» мәгълүмат агентлыгы корреспондентына Татарстан Мәгариф һәм фән министрлыгының матбугат хезмәтендә хәбәр иттеләр.

«Россия Федерациясе Хөкүмәтенең 2018 елның 5 сентябрендәге 1856-р номерлы күрсәтмәсе һәм Татарстан Республикасы Министрлар Кабинетының 2018 елның 13 сентябрендәге 2429-р номерлы күрсәтмәсе нигезендә Россия Федерациясе Хөкүмәте һәм Татарстан Республикасы тарафыннан Татарстан Республикасы Муниципаль берәмлекләре ихтыяҗлары өчен 57 мәктәп автобусы бүлеп бирү килештерелде», - диелә матбугат хезмәте хәбәрендә.

«Хәзерге вакытта Татарстан Республикасы Сәнәгать һәм сәүдә министрлыгы муниципаль берәмлекләрнең мәктәп автобусларына булган ихтыяҗларына анализ ясый», - дип өстәделәр ведомствода.

Бу хакта тулырак: https://tatar-inform.tatar/news/2019/08/06/191100/