Умырзая салаты

Матур ак тәлинкәгә ясалган әлеге салат өстенә туралган укроп һәм эри башлаган карны хәтерләтүче йомырка агын сибеп бизәсәгез, өстәл артында да яз кәефе булыр.

Кирәк:
• Сыер бавыры – 300 гр
• Маринадланган шампиньон – 10 данә
• Кишер – 2 данә
• Бәрәңге 2 данә
• Кечкенә суган – 5 баш
• Йомырка – 4 данә
• Сыр – 100 гр
• Үсемлек мае – 2 аш кашыгы
• Майонез – 4 аш кашыгы

Бавыр белән гөмбәне тозлап-борычлап үсемлек маенда кыздырырга, кишер белән бәрәңгене, йомырканы пешерергә. Салатны катламлап, араларына майонез ягып, ясарга. Өстен, суган катламнарыннан һәм яшел суган кузагыннан ясалган умырзая чәчәкләре белән бизәргә.