Суганлы маринадланган мойва

Кирәк:

• мойва балыгы – 700 гр
• су – 400 гр
• тоз – 2 ч.к.
• шикәр комы – 1 ч.к.
• борыч – 20 борчак
• дафнә яфрагы – 3 данә
• канәфер – 3 данә
• аш серкәсе (9%) – 2 а.к.
• суган – 1 баш
• француз горчицасы – 2 ч.к.

Суга барлык тәмләткечләрне салып, өч минут кайнатырга һәм сүндергәч, аш серкәсе өстәргә. Суынганын көтәргә.
Башлы суганны (күбрәк алсагыз да була, чөнки суганы балык­ка караганда алданрак ашалып бетәчәк, әйтте диярсез) «каурыйлап» (ярымбоҗрага аркылы яктан) турарга.

Мойваны юарга. Савытка катламлап тезәргә: суган, балык... һәм соңыннан маринад.
Бер тәүлектән балык әзер була. Ярты тәүлектән мойваны болгатып алыгыз.

Бәрәңге беләәән... ммм...