Розалия Ибрагимова алмадан бик тәмле желе рецепты тәкъдим итә

Быел бер чиләк алма янына өч апельсин да кушып пешердем әле, бик тәмле була икән.
Рецебы шул ук, бер зур чиләк алма, өч апельсин, 2 литр су салып изелгәнче пешердем дә, иртәнгә чаклы суы чыксынга ике катлы капрон челтәр аша сөзәргә куйдым.

Иртәнгә куе алма согы әзер, 2 литр чыкты.Шуңа 2 кг шикәр комы салып сәгатькә якын кайнаттым. Төсе дә матур булды.

Дөньяларыбыз тынычланып китеп, бәрәкәтле ризыклар булсын инде!