Ногыт борчаклы салат

Әлеге җиңел язгы кабымлык өчен бәяләп бетергесез аксым чыганагы – консервланган ногыт борчагы кирәк булачак.

Ясау өчен 1 бәйләм яшел салат, 200 гр помидор, 200 гр кыяр, 200 гр татлы борыч, 0,5 банка консервланган кукуруз, 150 гр ногыт борчагы, зәйтүн мае, лимон согы әзерләп куегыз.
Салат яфракларын ерткаларга һәм яшелчәләрне эре итеп турарга. Кукуруз һәм ногытны да шулар янына кушып, зәйтүн мае белән лимон согын өстәргә һәм болгатырга.