Итле салат

Кирәк була:

• Пешкән сыер ите – 300 гр
• Пешкән йомырка – 4 данә
• Тозлы яки маринадланган кыяр – 3 данә
• Каты сыр – 150 гр
• Кишер – 2 данә
• Кара җимеш – 150 гр
• Майонез – 180-200 гр
• Үсемлек мае – 2-3 чәй кашыгы
• Тоз һәм борыч

Кишерне эре кыргычтан уып, әз генә тоз кушып, үсемлек маенда кыз дырырга һәм суынганын көтәргә.
Кара җимешне 5-7 минутка кайнар суга салып торырга (әгәр дә каты икән – 20-30 минутка).
Пешкән итне һәм тозлы кыярны вак шакмаклап турарга. Кыяр бик сулы булса, бераз саркытырга кирәк.

Салатны катламлап ясыйбыз:

• 1 – ит, майонездан челтәр, төелгән кара борыч;
• 2 – вак кыргычтан уылган йомырка, майонездан челтәр;
• 3 – тозлы кыяр. Майонез якмасагыз да була;
• 4 – вак кыргычтан уылган сыр, монда сыр өстенә майонезны яксагыз яхшырак булыр;
• 5 – кыздырылган кишер.

Кара җимешне нәзек тасмалар итеп кисәргә һәм юлбарысның кара сызыклары кебек итеп кишер өстен бизәргә. Әзер салат тәмен сеңдереп, 2-3 сәгать суыткычта торсын.