Якыннарыгызны ял көннәрендә нинди тәмлүшкәләр белән сыйлыйсыз, дуслар?

Без сезгә бик тәмле, гади кабаклы тефтели рецептын тәкъдим итәбез.

Кирәк:

400 гр – кабак
400 гр – фарш
1 данә – йомырка
2 аш кашыгы – панировка сохарие
2 баш – суган
50 гр – сыр
Яшел үләннәр
Тәмләткечләр
1 кечкенә банка консервланган томат

Әзерләү: кабак белән сырны кыргычтан уарга, бер баш суган белән сарымсакны вакларга, яшел үләннәрне турап, фарш белән кушып болгатырга. Йомыр­каны да өстәп, бутарга. Шарлар формалаштырып, панировка сохариенда әвәләргә һәм формага тезәргә.
Икенче баш суганны да турарга һәм кыздырырга, томат белән тәмләткечләрне өстәп берничә минут пешерергә һәм әлеге соусны тефтели өстенә салырга. 180 градуста 40 минут пешерергә.