Чөгендер яфрагыннан җәйге салат

Форсаттан файдаланып, шөкер, үзебезнең бакчаларда бар ич ул, җиңел һәм витаминлы салат әзерләп, авыз итик әле.

Кирәк була:
Чөгендер яфрагы – 1 бәйләм
Сарымсак кыягы – 1 бәйләм
Үзегез яраткан яшел үлән – 1 бәйләм
Кыяр – 1 данә
Татлы борыч – 1 данә
Үсемлек мае (булса зәйтүн мае) – 3 аш кашыгы
Алма серкәсе – 1 аш кашыгы
Тәмләткечләр
Барлык үләннәрне вак итеп һәм татлы борыч белән кыярны турарга. Барысын бергә кушып, тәменчә тоз-борыч, теләк булса – башка тәмләткечләр дә өстәп, май һәм алма серкәсе белән болгатырга.