Тәмлетамак
Челтәрсыман коймак
Һәр хуҗабикәнең челтәрсыман тишекле коймак пешерергә өйрәнәсе килә торгандыр. Бүген сезгә өйрәнчекләр дә әзерли алырдай гади һәм бик тәмле коймак рецепты тәкъдим итәбез.
Ул болай әзерләнә. Ярты литр сөткә яхшы итеп тугланган 2 йомырка, 1 чәй калагы тоз, 3 чәй калагы шикәр комы, 1 чәй калагы камыр көпшәкләндергеч, 2 стакан он салып туглыйбыз. Камыр өстенә 1 стакан кайнап торган су салып бутыйбыз. Аннары 3-4 кашык үсемлек мае салабыз, яхшылап туглыйбыз.
Камыр әзер. Кызу табага юка гына итеп салып, ике яклап кыздырып алабыз.
Мондый коймакның эченә эремчек, ит салып төрергә була. Каймак, бал, төрле кайнатмалар белән чәй эчәргә дә бик тәмле ул.
Следите за самым важным и интересным в Telegram-каналеТатмедиа
Нет комментариев