Бәрәңге шәңгәсе

- он;
- сөт 200мл;
- су 100 мл;
- 1 йомырка;
- 7-8гр коры чүпрә(1 аш кашыгы);
- тоз - ярты чәй калагы;
- шикәр комы - ярты чәй калагы;
- 30 - 40 гр атланмай(акмай), йә булмаса 2-3 аш кашыгы үсемлек мае ;

Камыр өчен сөт + су җылы булырга тиеш. Барысында кушып камыр басабыз. Бер сәгатькә җылы урынга куеп кабартып алабыз.

Эчлек өчен төелгән бәрәңге. Бәрәңгене пешереп, төеп бетергәндә майда кыздырылган суган салырга онытмыйбыз. Өстенә сылар өчен бер йомырканы туглыйбыз.

Шәңгәләребезне ясагач мичкә куйнанчы бераз кабарып алабыз. Кызган мичкә куеп пешереп алабыз.

Кичке ашларыгыз тәмле булсын!