Бик тиздән кунаклар килеп җитәргә тиешме, әлеге салатны һәркем яратып ашаячак

Кирәк булачак:
батон – 4-5 кисәк
кыяр – 2 данә
тозланган кызыл балык – 200 г
салат яфраклары катнашмасы
лимон согы – 1 аш кашыгы
80-100 г соус
каты сыр (теләсә нинди) – 120-150г

Батонны шакмаклап турыйбыз да, коры табада 5-7 минут кыздырабыз. Кыяр һәм балыкны шулай ук кечкенә шакмакларга кисәбез. Балыкны тавык итенә дә алыштырырга мөмкин. Салат яфракларын юабыз, киптерәбез һәм тәлинкәгә катламлап салабыз. Өстенә бераз лимон сыгабыз. Аннары без киселгән кыяр катламын куябыз. Соус­тан челтәр ясыйбыз. Аннары без киселгән балыкны һәм тагын соус җәябез. Шуннан соң сухариклар тезәбез. Кабат соус. Өстенә каты сыр сибәбез.

Бу салат өчен иң мөһиме – дөрес соус ясау. Әгәр дә сез өстәмә мәшәкатьләнергә теләмисез икән, махсус әзер соус сатып алыгыз, мәсәлән, цезарь, сыр соусы яки җиңел ма­йонез. Ләкин өйдә ясалганы тәмлерәк: бу салат өчен лимон белән көнбагыш мае яки бер тамчы горчица һәм каймак кулланырга мөмкин.