Авызны яндыра торган тозлыкта ташкабак

Кирәк:

• 3 кг ташкабак (кабачки)
• 1 данә әче борыч
• 3 кишер
• 100 гр сарымсак
• 1 стакан 9%лы аш серкәсе
• 1 стакан үсемлек мае
• 1 стакан шикәр комы
• 2 аш кашыгы тоз

Әлеге микъдардагы продукциядән 3 литр ташкабак чыга.
1. Банкаларны һәм капкачларны стерильләштереп, әзерләп куярга. Кабачкиларны юып, кисәкләргә яки нәзек түгәрәкләргә кисәргә. Сарымсак белән кишерне иттарткычтан чыгартырга.
2. Маринад өчен иркен табакка май, серкә, шикәр комы һәм тоз салып, уртача утка куярга һәм кайнатып чыгарырга.
3. Чыгартылган кишер белән сарымсакны да кушып, тагын биш минут кайнатырга. Кабачкиларны әлеге маринадка салып, кайнап чыккач, акрын утта 25 минут пешерергә.
4. Шунда ук банкаларга тутырып, капкачлап, суынганчы төреп тотарга.