Яшел Үзәндә Вьетнам өчен тагын ике фрегат төзеләчәк

«Рособоронэкспорт» һәм «А.Горький исемендәге Яшел Үзән заводы» җәмгыяте Вьетнамга уңышлы гына ике «Гепард» фрегатын төзеп җибәргән иде.
Хәзер тагын шундый ике кораб төзү өчен килешүгә кул куйдылар. «Контракт килешенгән срокта үтәлде. Вьетнам ягы безнең продукциядән канәгать, кимчелекләр юк», - ди завод директорының гособоронзаказ һәм тышкы икътисадый эшчәнлек буенча урынбасары С.Руденко. Вьетнамның тагын шундый ике «Гепард»ка заказ бирүе ЗКПБның һәм заводның сыйфатлы эшләвен дәлилли. С.Руденко сүзләренә караганда, «Гепард» белән Көньяк-Көнчыгыш Азиянең башка илләре дә кызыксына.