Ярыштан җиңеп кайттылар

Күптән түгел Пермьдә дөнья чемпионы А.Третьяков призына грек-рим көрәше буенча XII Бөтенроссия яшүсмерләр турниры булды. Анда Россиянең бик күп регионнарыннан спортчылар катнашты.
Әлеге ярышның максаты Россия Федерациясенең җыелма командасын туплау иде.
Турнирда Яшел Үзән спорт көрәше мәктәбе спортчылары да лаеклы көрәште. Үз авырлык категорияләрендә Гарифуллин Руслан җиңүче булса (тренеры Р.Салеев), ә Толстов Максим (тренеры А.Данилов) һәм Маслихин Евгений (тренеры И.Мөхәммәтҗанов) - II урында.

Әлфия Зыякаева