Янгын сүндерергә әзер бул

Яшел Үзән муниципаль районындагы урманнарны янгыннан саклауны оештыру турында район башкарма комитеты карар кабул итте.
2013 елның 19 апрелендә кабул ителгән әлеге 820нче карарда «Яшел Үзән урманчылыгы»нда, «Идел-Кама тыюлыгы»нда, «Күгәй урманчылык участогы»нда, «Идел буе урманчылыгы»нда урманнарны янгыннан саклау буенча оператив план раслана. Планда авыл җирлеге башлыкларына һәм башкарма комитет җитәкчеләренә һәм шулай ук авылдагы башка оешмаларның җитәкчеләренә җәйге чорда янгын чыкмасын һәм таралмасын өчен барлык чараларны алдан күрергә тәкъдим ителә.