Туберкулез йоктыручылар күп

Ел саен 24 март Бөтендөнья туберкулезга каршы көрәш көне буларак билгеләнә. Медицина үсеп барса да, дөньяда һәр 10 секундта туберкулездан 1 кеше үлә, һәр 4 секунд саен - 1 кеше авырый, ел саен 1 процент кеше туберкулез йоктыра.
Ел саен туберкулез йоктыручылар саны 8-10 млн.га арта, 3млн.га якыны үлә (шуларның 300 меңе - балалар).
Әлеге көрәш көне кысасында Яшел Үзән туберкулезга каршы диспансерда журналистлар өчен брифинг узып, анда шушы авыру һәм аңа каршы көрәш юллары турында сөйләнде. Тулырак язманы газетаның киләсе саннарында укырга була.