Пенсиягә социаль өстәмә турында

Закон буенча 2010 елдан башлап пенсиясе Россия субъектындагы яшәү минимумына җитмәгән эшләмәүче пенсионерларның пенсиясенә социаль өстәмә каралган.
Ә минимумның күләме ел саен закон белән билгеләнә. Быел ул - 4870 сум. Социаль өстәмә билгеләнгәндә пенсионерның пенсиясе, ай саен бирелүче өстәмә түләүләре, социаль яклау линиясе буенча бирелүче ташламалары бөтенесе бергә исәпкә алына. Пенсия арттырылганда, мәсәлән, 2013 елның 1 февралендәге индексациягә бәйле рәвештә, өстәмә түләү күләме дә яңадан карала. Әмма өстәмәләр белән бергә пенсия күләме яшәү минимумы, ягъни быелгы 4870 сум белән чикләнә.