Наркоконтроль тыңлый!

Татарстанда 18еннән 28 мартка кадәр «Үлем сатучыларны хәбәр ит!» наркотикларга каршы Бөтенроссия акциясенең беренче этабы уза.
Максаты - халыкның игътибарын наркомания проблемасына җәлеп итү. Акция кысасында бөтен теләүчеләр төрле сорау һәм дәгъвалар белән наркоконтрольнең «Ышаныч телефоны»на шалтырата ала. Акция барганда наркотик матдә сатылу турында 141 шалтырату булган. Наркоконтроль 102 җинаять эше кузгатып, административ хокук бозу турында 77 беркетмә төзегән. Сораулар һәм хәбәрләрне эш көннәрендә 9 сәгатьтән 18 сәгатькә кадәр (843) 274-31-03, тәүлек буенча эшләүче (843)274-30-30, 273-43-45 «Ышаныч телефоны»на шалтыратып әйтергә була. Яшел Үзәндә «Кайнар линия» телефоны: 5-89-45.