Лагерьларны тикшерделәр

Татарстан Республикасының балалар хокукы буенча вәкиле Гүзәл Удачина районыбызның балалар сәламәтләндерү лагерьларында булды.
Аны район башкарма комитеты җитәкчесе урынбасары Р.Афанасьева, яшьләр эшләре, туризм һәм спорт бүлеге җитәкчесе А.Сафин озата йөрде. Г.Удачина, «Чайка», Муса Җәлил исемендәге һәм Горький исемендәге лагерьларда булып, балаларның яшәү шартлары, ялны оештыру, медицина хезмәте күрсәтү һәм балаларның иминлеген саклау чаралары белән танышты. Тикшерү барышында кайбер җитешсезлекләр ачыкланса да, нигездә, лагерьлар эше канәгатьләнерлек дип табылды.