Кышлау уңышлы тәмамлана

Терлекче өчен иң авыр сынау булган суык кыш артта калды дисәң дә ярый.
Сөт җитештереп көн күрүче хуҗалыклар кышны югалтуларсыз чыкты. Кайбер хуҗалыклар савым сыерларын арттырдылар да әле. «Идиатуллина» фермер хуҗалыгы - 77 процентка, «Авангард» акционерлык җәмгыяте - 14 процентка, «Кв»-Агро ЗФ» акционерлык җәмгыяте 7 процентка күбрәк мал асрый хәзер. Сөт савуда да узган елгыдан уздыручылар шактый. Мисалга, «Күгәй» кооперативы - 27 процентка, «АФ Заволжье» җәмгыяте - 18 процентка, «Авангард» акционерлык җәмгыяте 10 процентка артыграк җитештерә сөтен.