Контроль көчәя

2013 елның 1 апреленнән Россия Транспорт министрлыгының 36нчы әмеренә ярашлы рәвештә, транспорт чараларына тахографлар кую таләбе расланган.
Хәзер РФ территориясендә файдаланыла торган М2, М3, N2, N3 категориясендәге транспорт чараларына тахограф куелырга тиеш. Бу очракта шәһәрдә һәм шәһәр читендә пассажирлар йөртүче һәм йөк ташучы М2, М3 категориясенә ярашлы кенәгәсе булган транспорт чаралары гына искәрмә булып торачак. Техник контроль чарасы урнаштырылмаган йөк һәм пассажирлар ташучы транспорт чарасы белән идарә иткән машина йөртүчеләр һәм җаваплы затлар административ җаваплылыкка тартылачак.