Җиңү көненә багышлап

Апрель ахырында - май башында спорт учреждениеләрендә узачак бөтен төр ярышлар 9 Май - Җиңү көненә багышлана.
26 апрель көнне 5нче балалар-яшүсмерләр спорт мәктәбе «Дельфин»да Җиңү көненә багышлап йөзү буенча ярышлар уза. 5 майда - 1нче спорт мәктәбендә сугыш ветераннары белән чәй мәҗлесе. Осиновода 1-8 майда - шахмат һәм шашка буенча ачык турнир, Васильевода - мини-футбол. «Авангард» стадионында футбол 8 майда була һәм анда 3нче спорт мәктәбендә тәрбияләнүчеләр уйный. Йөгерергә яратучылар 9 Майда Казан - Яшел Үзән юлында көчен һәм егәрлеген сыный алачак. Казанда башланган эстафета, гадәттәгечә, шәһәрнең Ленин урамы буйлап уза һәм «Родина» мәдәният сарае янында тәмамлана.