ФОТО: “Татарстан Республикасында яшәүче картасы” иң беренчеләрдән булып Яшел Үзән районы башлыгына тапшырылды

Беренчеләрдән булып республикада әлеге картага Яшел Үзән районы башлыгы Александр Тыгин ия булды. Пилот проектына стартны "Саклык банкы" идарәсе рәисе Герман Греф һәм ТР Президенты Рөстәм Миңнеханов бирде.

Проект, Татарстан Республикасы хөкүмәте, Сбербанк, "АК БАРС" банкы һәм халыкара түләү системасы Mastercard берлегендә тормышка ашырыла.

Башлангыч этабында бары тик гражданнар теләкләре буенча 75 меңләп карта бирү күздә тотыла. Карталарның 70 процентын "Саклык банкы", калган 30ын "Ак Барс" банкы чыгара. Карта биргәндә җыемнар каралмаган, дип аерым билгеләп үтелә.

Илсөя Завилейская фотолары.