Бәйрәм дип ерактан кычкырып торалар

Традиция буенча Яңа ел алдыннан район башкарма комитеты авыл җирлекләрен, шәхси хуҗалыкларны бәйрәмгә әзерләү буенча муниципаль бәйге игълан итә.
Быел жюри Олы Якене бәйрәмгә иң яхшы әзерләнгән дип тапты. II урынны Васильево бистәсе һәм Зур Ключи авыл җирлеге бүлешә. Ә III урынга Акъегет авылы лаек дип табылды. Шәхси хуҗалыклар арасында исә Осиновода яшәүче Ирина Сабирова йортына тиңнәр табылмаган. Шулай ук Уразлыдан Айдар Ибраһимов, Грузинкада яшәүче Алексей Степанов йортлары да Яңа елга искиткеч матур бизәлгән.