Аз булса да планлы артып тора

2013 елның 1 апреленнән, РФ хөкүмәтенең 2012 елның 3 декабрендәге карарына ярашлы рәвештә, хезмәт пенсияләре - 3,3, социаль пенсияләр 1,81 процентка артачак.
Болардан тыш, 1 апрельдән федераль ташламага ия булган кешеләрнең ай саен түләнә торган түләүләре дә 5,5 процентка индексацияләнә. Шуңа ярашлы рәвештә социаль җыелма бәясе 839 сум 65 тиен булып, шуларның 646 сум 71 тиене - дару алуга, 100 сум 05 тиене - шифаханә-курортта дәвалануга һәм 92 сум 89 тиене шәһәр чите тимер юл транспортында йөрүгә бирелә.
Исәп-хисаплар ясалган һәм пенсионерлар апрельдә пенсия һәм ЕДВны арттырылган күләмдә алачак.