Авыл башлыклары – заводта

Яшел Үзәннең эре предприятиеләре югары квалификацияле эшче кулларга кытлык кичерә.
Заводлар өчен белгечләр әзерләү һәм аларны үзебезнең җирлектә калдыру максатыннан, хакимият яңа программа эшләгән һәм әлеге программа буенча максатчан эш башланган.
Горький исемендәге суднолар төзү заводына авыл җирлеге башлыклары нәкъ шул максаттан чакырылган иде. Алар биредә эш масштабы, хезмәткәрләргә тәкъдим ителә торган социаль пакет белән танышты. Үз җирлекләрендә эшсез ятучы авыл яшьләрен заводка тарту башлыкларга бурыч итеп йөкләнде.