Александр Тыгин язылды, ә Сез?

Шушы көннәрдә әлеге акциягә район башлыгы Александр Тыгин да кушылып, мохтаҗ кешегә районда һәм шәһәрдә нәшер ителүче «Яшел Үзән» газетасын яздырды һәм үзе артыннан башкаларга да кушылырга өндәде.

- Кирәкле акция! Авыл җирлеге башлыкларына аерым мөрәҗәгать итәсем килә: халык белән якыннан, нәтиҗәле эшләвегезнең бер күрсәткече - авылыгызда яшәгән һәр кешенең сезне ишетүе ул. Халык районда чыгып килүче бердәнбер татар газетасына язылмый икән, бу сезнең эшегез турында күп нәрсә сөйли. Акциягә кушылып, сез дә әти-әниләрегезне, тирә-юнегездәге авыр хәлдә яшәүче күршеләрегезне, авылдашларыгызны сөендерә аласыз.